مش واخدين بالهم تكتبها  جينى

كتبت : جينى

كل مدة أعمل لفة تيلفونات علي مجموعة من الأصدقاء والمثقفين والرأسماليين والله وحتي المعارضة
في إجماع إن البلد رايحة في مكان خطر ..!
هو أكيد محدش منتظر يسمع مني الكلمتين دول ،،
لكن الكارثة ( مؤسسة الرئاسة ) دورها إيه !
مش حاسين مثلا إن في حالة غليان متصاعد في الشارع ؟
مش واخدين بالكواً من حجم الديون الخارجية إللي بتزيد بس ؟
مش واخدين بالهم منً غلو مبالغ فيه في فواتير الكهرباء ؟
مش واخدين بالهم المصريين بيتهانوا أد إيه بره ؟
مش واخدين بالهم من غلو الدواء ؟
مش واخدين بالهم من الدولار وما ترتب عليه ؟
مش واخدين بالهم من المصانع إللي قفلت وبتقفل ؟
مش واخدين بالهم من أزمة التعليم والمدارس العامة والخاصة ؟
في حاجات كتير لازم تاخد بالك منها ،،،
الرئيس … عبد الفتاح السيسي
حضرتك أرتضيت تتولي منصب في خطر في ظروف أخطر
وأحنا أنتخبناك علي هذا الأساس ،،،،
لأزم : يكون في قرارات لمحاربة الفساد وتطبق القانون
أنا أسفة حضرتك أخدت مدة كافية تعمل كده ما عملتش ليه!!!!
طيب إيه مانع حضرتك عشان نساعداك ؟!!!!!!
طيب أخرج وقول للناس فين المشكلة والأزمة ؟؟؟!
ليه ماشي برؤية عقيمة من ناس مفيهاش خير من الأساس ؟
ليه وأنت في أيدك تعمل قرارت بمنع مثلا أستيراد كوارث عشان العملةً؟
ليه مفيش حملة مدروسة لتشجيع المنتج المصري ؟
ليه سايب ماسبيرو بمليارته كده !!!
ليه مفيش رقابة حقيقية !!؟
ليه مفيش نظرة للصعيد ؟!
ليه مفيش وزير سياحة جبار
ليه كده ؟ حضرتك رايح وواخدنا معاك مكان خطر مش عايزين نفكر فيه من الأساس …
توضيح :::-
أنا عمري ما بشكك في وطنية حد وخصوصا إن رئيس الجمهورية وقف موقف بطولي كان ممكن يغتال أو يتحط إقامة جبرية أو شيء من هذا القبيل ،،، بس إللي مش مفهموم ولأزم نفهمةً مين بيدير وبأي منطق ومفهموم وأسلوب